امت نیوز ڈیسک //
سری نگر، 22 مئی: جموں و کشمیر کے کشتواڑ ضلع کے چھاترو کے سنگھ پورہ علاقے میں جمعرات کو سیکورٹی فورسز اور عسکریت پسندوں کے درمیان جاری تصادم کے دوران ایک فوجی جوان مارا گیا۔
سرکاری ذرائع نے بتایا کہ جنگجوؤں کی موجودگی سے متعلق خفیہ اطلاعات کے بعد فوج اور پولیس کی ایک مشترکہ ٹیم نے علاقے میں محاصرے اور تلاشی کی کارروائی شروع کرنے کے بعد فائرنگ شروع ہوئی۔
جب فورسز ایک مشتبہ ٹھکانے کے قریب پہنچی تو وہ فائرنگ کی زد میں آگئے جس سے شدید تبادلہ شروع ہوگیا۔
حکام نے کہا کہ "ایک فوجی زخمی ہوا اور اسے قریبی طبی مرکز میں منتقل کیا گیا جہاں وہ زخموں کی تاب نہ لاتے ہوئے چل بسا،” ۔ انہوں نے مزید کہا کہ چار عسکریت پسندوں کو گھیر لیا گیا ہے اور خیال کیا جاتا ہے کہ وہ علاقے میں چھپے ہوئے ہیں۔
آپریشن جاری ہے، تصادم کے مقام سے شدید فائرنگ کے تبادلے کی اطلاع ہے۔ عسکریت پسندوں کو محاصرے سے فرار ہونے سے روکنے کے لیے کمک پہنچائی گئی ہے۔ (کے این ٹی)
