امت نیوز ڈیسک //
سرینگر، 2 اگست: جموں و کشمیر حکومت نے ہفتے کے روز اعلان کیا ہے کہ اس سال کی امرناتھ یاترا 3 اگست سے دونوں راستوں، پہلگام اور بالتل، سے معطل رہے گی۔
ایک سرکاری اہلکار نے بتایا: "حال ہی میں ہونے والی شدید بارشوں اور دونوں راستوں (بالتل اور پہلگام) پر ٹریک کی مرمت کی ضرورت کے پیش نظر، یاترا کو ان راستوں پر بند کر دیا گیا ہے۔”
ڈویژنل کمشنر کشمیر، وجے کمار بدھوری نے کہا، "حال ہی کی بارشوں کے باعث دونوں راستوں پر اہم مرمت اور بحالی کا کام درکار ہے۔ چونکہ ٹریک پر مرد و مشینری مسلسل تعینات رہے گی، اس لیے یاترا کو دوبارہ شروع کرنا ممکن نہیں ہوگا۔ اس لیے 3 اگست سے دونوں راستوں پر یاترا معطل رہے گی۔”
حکام کے مطابق، اس سال اب تک 4.10 لاکھ سے زائد یاتریوں نے شری امرناتھ جی کی مقدس غار میں درشن کیے ہیں۔
