امت نیوز ڈیسک //
سرینگر، 28 اگست : کشمیر ڈویژن میں دو دن کی تعطیل کے بعد کل سے اسکول دوبارہ کھلنے جا رہے ہیں۔
ایک اعلیٰ عہدیدار نے خبر رساں ایجنسی—کشمیر نیوز آبزرور کو بتایا، ’’ہم نے فیصلہ کیا ہے کہ جمعہ کے روز کشمیر ڈویژن کے تمام اسکول دوبارہ کھولے جائیں گے۔‘‘
اسی دوران، ڈائریکٹر اسکول ایجوکیشن جموں نے حکم دیا ہے کہ جموں ڈویژن کے تمام سرکاری و نجی اسکول 30 اگست 2025 تک بند رہیں گے۔
ڈی ایس ای جے نے کہا ہے کہ جموں ڈویژن کے مختلف علاقوں میں مسلسل اور شدید بارش کے پیشِ نظر خطے کو متعدد موسمی رکاوٹوں کا سامنا ہے، جس نے روزمرہ زندگی اور تعلیمی اداروں کے محفوظ طریقے سے چلنے کو شدید متاثر کیا ہے۔ —(کے این او)
