امت نیوز ڈیسک //
سرینگر، 15 ستمبر : جموں و کشمیر حکومت نے ایک سرکاری وفد کو پیرس میں منعقد ہونے والے آئی ایف ٹی ایم ٹاپ ریزا ٹورازم ایونٹ میں شرکت کے لیے نامزد کیا ہے، جس کی قیادت وزیراعلیٰ عمر عبداللہ کریں گے۔ عمر عبداللہ محکمہ سیاحت کا قلمدان بھی سنبھالے ہوئے ہیں۔ یہ ایونٹ 23 سے 25 ستمبر تک منعقد ہوگا۔
وفد میں وزیراعلیٰ کے مشیر ناصر اسلم وانی اور ڈائریکٹر ٹورازم جموں وکاس گپتا بھی شامل ہوں گے۔
سرکاری حکم نامے کے مطابق، جس کی ایک کاپی کے این ایس کے پاس موجود ہے، اس دورے پر آنے والے اخراجات محکمہ سیاحت برداشت کرے گا۔
