امت نیوز ڈیسک //
سرینگر، 18 ستمبر : وزیر سکینہ ایتو نے جمعرات کو ممبر پارلیمان اور اپنی ہی پارٹی کے رہنما آغا روح اللہ مہدی پر طنز کستے ہوئے کہا کہ حکومت پر تنقید کرنے کے بجائے انہیں چاہیے کہ وہ جموں و کشمیر کے اصل مسائل پارلیمان میں اٹھائیں۔
خبر رساں ایجنسی کشمیر نیوز آبزرور (کے این او) کے مطابق صحافیوں سے بات کرتے ہوئے سکینہ ایتو نے کہا کہ آغا روح اللہ خود نیشنل کانفرنس کے ٹکٹ پر انتخاب لڑ کر عوام کے ووٹوں سے پارلیمان پہنچے ہیں تاکہ ان کی آواز وہاں بن سکیں۔
انہوں نے کہا: "اب وہ ہم پر انگلیاں اٹھا رہے ہیں، انہیں چاہیے کہ پارلیمان میں عوامی مسائل اجاگر کریں، جنہیں وہ اہم اور قابلِ توجہ سمجھتے ہیں۔”
سکینہ ایتو نے مزید کہا کہ آغا روح اللہ کو بطور رکن پارلیمان اپنی ذمہ داریاں نبھانی چاہئیں اور این سی حکومت پر تنقید کرنے کے بجائے عوامی مسائل پر توجہ دینی چاہیے۔ ـــ(کے این او)
