امت نیوز ڈیسک //
سری نگر، 23 دسمبر: جموں و کشمیر کے محکمہ اعلیٰ تعلیم نے یونین ٹیریٹری بھر کے تمام سرکاری ڈگری کالجوں میں سرمائی تعطیلات کا اعلان کر دیا ہے۔
حکومتی حکم نامہ کے مطابق، کشمیر ڈویژن کے تمام سرکاری ڈگری کالج اور جموں ڈویژن کے وہ کالج جو ونٹر زون میں واقع ہیں، 24 دسمبر 2025 سے 14 فروری 2026 تک سرمائی تعطیلات پر رہیں گے۔
وہیں جموں ڈویژن کے سمر زون میں آنے والے سرکاری ڈگری کالجوں میں سرمائی تعطیلات یکم جنوری 2026 سے 10 فروری 2026 تک ہوں گی۔
یہ حکم انتظامی مفاد میں جاری کیا گیا ہے اور فوری طور پر نافذ العمل ہوگا۔
