امت نیوز ڈیسک //
سری نگر، 11 جون: سری نگر کے کھنموہ علاقے میں واقع ایک صنعتی یونٹ کے اندر 25 سالہ نوجوان بے ہوش حالت میں پایا گیا، جسے فوری طور پر پرائمری ہیلتھ سینٹر (پی ایچ سی) خونموہ منتقل کیا گیا جہاں ڈاکٹروں نے اسے مردہ قرار دیا۔
اطلاعات کے مطابق متوفی کی شناخت سید علی ولد بشیر احمد، ساکن راجوری کے طور پر ہوئی ہے۔
ذرائع نے بتایا کہ نوجوان کھنموہ میں واقع Top Mind Industries کے اندر بے ہوش حالت میں ملا تھا۔ اطلاع ملنے پر پولیس پوسٹ خونموہ کی ایک ٹیم موقع پر پہنچی اور اسے اسپتال منتقل کیا، تاہم ڈاکٹروں نے اسے مردہ قرار دے دیا۔
پولیس نے لاش کو قانونی و طبی کارروائیوں کے لیے منتقل کر دیا ہے۔ حکام کے مطابق موت کی اصل وجہ جاننے کے لیے تحقیقات شروع کر دی گئی ہیں۔
پولیس کا کہنا ہے کہ واقعے کے تمام پہلوؤں کا جائزہ لیا جا رہا ہے اور مزید تفتیش جاری ہے۔
