امت نیوز ڈیسک //
نئی دہلی، 20 جون: کانگریس رہنما راہل گاندھی نے نیٹ یو جی دوبارہ امتحان کے لیے ناگپور کے ایک طالب علم کو غلطی سے ابو ظہبی امتحانی مرکز الاٹ کیے جانے پر نیشنل ٹیسٹنگ ایجنسی (این ٹی اے) کو تنقید کا نشانہ بنایا ہے۔
راہل گاندھی نے کہا کہ طلبہ کے مستقبل کے ساتھ "کھلواڑ” بند ہونا چاہیے اور ملک کو ایک ذمہ دار، جواب دہ اور حساس تعلیمی نظام کی ضرورت ہے۔
انہوں نے کہا کہ ایک طالب علم نے امتحان کے لیے تیاری کی، لیکن ایڈمٹ کارڈ ڈاؤن لوڈ کرنے پر اسے ابو ظہبی کا مرکز دیا گیا، جبکہ اس کے پاس بیرون ملک جانے کے لیے ضروری دستاویزات اور وقت موجود نہیں تھا۔
انہوں نے این ٹی اے کی کارکردگی پر سوال اٹھاتے ہوئے کہا کہ امتحانی نظام کو طلبہ اور والدین کی مشکلات کو مدنظر رکھنا چاہیے۔
واضح رہے کہ این ٹی اے نے اس معاملے کو تکنیکی خرابی قرار دیتے ہوئے غلطی تسلیم کی اور طالب علم کے لیے ناگپور مرکز کے ساتھ نیا ایڈمٹ کارڈ جاری کرنے کی یقین دہانی کرائی ہے۔
