امت نیوز ڈیسک //
سرینگر، 20 جون: جموں و کشمیر حکومت نے امر سنگھ (اے ایس) کالج سرینگر کے معطل پرنسپل اعجاز احمد حقاق کو فوری طور پر بحال کر دیا ہے۔ سرکاری حکم نامے کے مطابق انہیں بحالی کے بعد اسلامیہ کالج آف سائنس اینڈ کامرس، سرینگر میں پرنسپل کے طور پر تعینات کیا گیا ہے۔
یاد رہے کہ اعجاز احمد حقاق کو گزشتہ ماہ اے ایس کالج میں پیش آئے ایک مبینہ ہراسانی کے واقعے کے بعد معطل کیا گیا تھا، جبکہ معاملے کی تحقیقات کے لیے انکوائری بھی شروع کی گئی تھی۔
تازہ حکومتی فیصلے کے تحت ان کی بحالی عمل میں لائی گئی ہے اور انہیں اسلامیہ کالج سرینگر کی ذمہ داریاں سونپی گئی ہیں۔ حکام کے مطابق یہ حکم فوری طور پر نافذ العمل ہوگا۔
