(سرینگر) نیشنل کانفرنس کے ایک لیڈر کی طرف سے سجاد غنی لون کو ’سابق جنگجو‘ قرار دینے کے بعد پیپلز کانفرنس نے بھی تیکھے جوابی الزامات کا سلسلہ شروع کر دیا ہے۔پیپلز کانفرنس کا الزام ہے کہ نیشنل کانفرنس کے صدر اور سابق وزیر اعلیٰ ڈاکٹر فاروق نے اخوان کی ساتھ ’شراکت داری‘ اور جو کچھ در پردہ کروایا اس سے بالی ووڈ کا تیسرے گریڈ کا ولن بھی شرمسار ہوگا۔بتادیں کہ میڈیا رپورٹس کے مطابق نیشنل کانفرنس کے لیڈر اور سابق رکن اسمبلی جاوید رانا نے دو روز قبل ضلع پونچھ کے مینڈھر علاقے میں ایک ریلی کے دوران پارٹی کے نائب صدر عمر عبداللہ کی موجودگی میں پیپلز کانفرنس کے صدر سجاد غنی لون کو سابق جنگجو قرار دیا۔
