(سرینگر) شہر سرینگر میں بڑھتے جرائم کو مد نظر رکھتے ہوئے پولیس نے لوگوں سے اپیل کی ہے کہ وہ کرایہ داروں کی ویرفکیشن لازمی بنائے بصورت دیگران کے خلاف قانونی کارورائی ہو گی ۔ سرینگر پولیس نے بدھ کو تمام مکان مالکان جہاں کرایہ پر دیگر علاقوں کے لوگ رہائش پذیر ہے سے تاکید ہے کہ تمام کرایہ داروں کی جلد از جلد مکمل ویر فکیشن کو یقینی بنائیں بصورت دیگر احکامات کی خلاف ورزی کرنے والوں کے خلاف کارورائی ہو گی ۔ پولیس نے سماجی وئب سائٹ ٹویٹر پر اپنی ایک ٹویٹ میںلکھا ”سرینگر میں کل کے اغوا اور جنسی زیادتی کے معاملے کے پیش نظر، سب سے دوبارہ درخواست کی جاتی ہے کہ وہ کرایہ دار کی ویرفکیشن کرائیں اور جوکوئی بھی اس میں کوتاہی کا مرتکب پایا جائے گا انہیں قانونی کارروائی کا بھی سامنا کرنا پڑے گا سرینگر پولیس نے لکھا کہ کل کے واقعہ میں ملوث سوپور اور رفیع آباد سے تعلق رکھنے والے تین افراد ملہ باغ میںکرایہ پر رہتے تھے اور مکان مالک نے ان کی پولیس ویر فکیشن نہیں کرائی تھی لہذ ا تمام لوگوں سے اپیل کی جاتی ہے کہ وہ کرایہ داروں کی ویرفکیشن کو جلد از جلد یقینی بنائیں ۔
