سری نگر: وزارت داخلہ نے بدھ کے روز کہا کہ کشمیری تارکین وطن ملازمین کے لیے 1025 ٹرانزٹ رہائش مکمل ہو چکی ہے جب کہ 1872 یونٹ تکمیل کے مختلف مراحل میں ہیں۔ رکن پارلیمان ڈگ وجے سنگھ کے ایک سوال کے جواب میں، وزارت داخلہ میں وزیر مملکت نتیا نند رائے نے کہا کہ "سرکار نے کشمیری تارکین وطن ملازمین کے لیے 6000 ٹرانزٹ رہائش گاہوں کی تعمیر کی منظوری دی ہے۔
وادیٔ کشمیر کے مختلف اضلاع میں وزیر اعظم کے ترقیاتی پیکیج 2015 (PMDP-2015) کے تحت ملازمین کو یہ سہولیات فراہم کی جا رہی ہے۔”
اُن کا کہنا تھا کہ "1025 یونٹس کی تعمیر مکمل/کافی حد تک مکمل ہو چکی ہے، 1872 یونٹ تکمیل کے مختلف مراحل میں ہیں اور باقی یونٹس پر کام شروع کر دیا گیا ہے۔”
