امت نیوز ڈیسک //
بارہمولہ کے ساکن 28 سالہ عادل احمد بھٹ ولد منظور احمد بھٹ دہلی میں کرائے کے مکان میں رہتا تھے،جہاں پر اسرار حالت میں اس کی لاش ملی
شمالی کشمیر کے ہنجیویرا پٹن بارہمولہ کے ساکن ایک 28 سالہ نوجوان کی لاش دہلی میں پُر اسرار حالت میں پائی گئی ہے، ذرائع کے مطابق 28 سالہ عادل احمد بھٹ ولد منظور احمد بھٹ دہلی میں کرائے کے مکان میں رہتا تھا، جہاں پر اسرار حالت میں اس کی لاش ملی ہے۔
بتایاجارہا ہے کہ عادل احمد کی لاش پنکھے سے لٹکی ہوئی ملی، لاش ملنے کے بعد لوگوں نے پولیس کو اس کی اطلاع دی۔ اطلاع ملتے ہی پولیس موقع واردات پر پہنچی اور لاش کو اپنی تحویل میں لے لیا۔ اس سلسلے میں دہلی پولیس نے مقدمہ درج کر لیا ہے اور تحقیقات بھی شروع کر دی ہے۔
