جموں//جموں کے سدھرا علاقے میں اس وقت سراسیمگی پھیل گئی جب یہاں رہائشی مکان سے ایک ہی کنبے کی چھ لاشیں برآمد کی گئی۔
معلوم ہوا ہے کہ پولیس ٹیم فوری طورپر جائے موقع پر پہنچی اور لاشوں کو تحویل میں لے کر انہیں ہسپتال منتقل کیا۔
پولیس کا کہنا ہے کہ پوسٹم مارٹم رپورٹ موصول ہونے کے بعد ہی موت کی وجوہات کے بارے میں معلوم ہو سکے گا۔
زرائع نے بتایاکہ بدھ کی صبح جموں کے سدھرا علاقے میں 2رہائشی مکانوں سے ایک ہی کنبے کی چھ لاشیں برآمد ہونے سے علاقے میں سنسنی کا ماحول پھیل گیا۔
انہوں نے بتایا کہ لاشیں نیم بوسیدہ ہیں اور ان کو پوسٹ مارٹم کی خاطر نزدیکی ہسپتال منتقل کیا گیا۔
پولیس ذرائع نے بتایا کہ ابتدائی تحقیقات کے دوران معلوم ہوا ہے کہ متوفین میں سے ایک کا تعلق کشمیر سے جبکہ 5 ضلع ڈوڈہ کے رہائشی ہیں اور اس بارے میں ان کے نزدیکی رشتہ داروں کو بھی آگاہ کیا گیا۔
انہوں نے بتایا کہ اس حوالے سے بڑے پیمانے پر تحقیقات شروع کی گئی جبکہ آس پاس رہائش پذیر لوگوں سے بھی پوچھ تاچھ ہو رہی ہیں۔
پولیس ذرائع کا مزید کہنا ہے کہ چونکہ معاملہ کافی حساس ہے لہذا ایک خصوصی تحقیقاتی ٹیم کا قیام بھی عمل میں لایا جائے گا۔
متوفین کی شناخت سکینہ بیگم بیوہ مرحوم غلام حسن ، اس کی بیٹی نسیمہ اختر ،ربینہ بانو ، ظفر سلام نور الحبیب ولد حبیب اللہ ، غلام حسن اور سجاد احمد ولد فاروق احمد ماگرے کے بطور ہوئی ہے۔
اُنہوں نے بتایا کہ متوفیوں میں ایک کا تعلق وادی کشمیر سے ہے جبکہ دیگر5کا تعلق جموں صوبہ کے ڈوڈہ ضلع سے ہے ۔
