(سرینگر) سرینگر جموں شاہراہ پر ناشری ٹنل کے اندر نجی گاڑی اور ٹرک کے درمیان ہوئے بھیانک ٹکر کے نتیجے میں ایک شخص کی موقع پر ہی موت واقع ہوئی جبکہ سات دیگر زخمی ہوئے۔ پولیس کے ایک سینئر عہدیدار نے بتایا کہ ‘’منگل کے روز سرینگر جموں شاہراہ پر ناشری ٹنل کے اندر سکارپیو گاڑی زیر نمبر JK15-2403 اور ٹرک زیر نمبر JK02AB-4094 کے درمیان زور دار ٹکر ہوئی جس کے نتیجے سکارپیو ڈرائیور جس کی شناخت منظور احمد ولد غلام محمد میر ساکن سونہ براری بانڈی پورہ کے بطور ہوئی ہے جاں بحق ہوا جبکہ حادثے میں مزید سات افراد زخمی ہوئے ہیں’‘۔ پولیس آفیسر نے بتایا کہ حادثے میں زخمی ہوئے شہریوں کی شناخت محمد یوسف ولد غلام محی الدین ساکن سونہ براری بانڈی پورہ ، بشیر احمد ولد غلام مصطفی راتھر ساکن نوگام سونہ براری سمبل ، مسعود احمد ولد عبداﷲ رشید ساکن سمبل سونہ براری بانڈی پورہ، فردوس احمد ولد بشیر احمد ساکن سمبل، علی محمد ولد غلام محمد ملہ ساکن گنڈ نوگام بانڈی پورہ کے بطور ہوئی ہے جنہیں علاج ومعالجہ کی خاطر نزدیکی اسپتال منتقل کیا گیا۔
