سرینگر۔شارجہ براہ راست فلائٹ جنوری سے بند، خدمات کی بحالی کا ابھی کوئی امکان نہیں

(سرینگر) مرکزی وزیر داخلہ امیت شاہ کے ذریعہ سرینگرشارجہ پرواز شروع کرنے کے مہینوں بعد، اب اسے معطل کردیا گیا ہے۔اگرچہ یہاں ایئر لائنز کے حکام نے وجہ نہیں بتائی، لیکن معلوم ہوا ہے کہ پاکستان کی جانب سے فضائی حدود کی پابندیوں کی وجہ سے یہ پرواز معاشی طور پر ناقابل عمل پائی گئی۔سرینگر ہوائی اڈے کے ڈائریکٹر کلدیپ سنگھ نے کہاہے کہ سرینگر شارجہ فلائٹ اب کام نہیں کر رہی ہے۔ آخری پرواز جنوری کے آخر میں چلائی گئی، تب سے یہ معطل ہے۔گو فرسٹ، جس نے یہ فلائٹ چلائی، نے پرواز کو معطل کرنے کی وجہ نہیں بتائی۔ یاد رہے سرینگر شارجہ فلائٹ کو امیت شاہ نے 23 اکتوبر کو بڑے دھوم دھام سے جھنڈی دکھا کر روانہ کیا تھا۔ کہا گیا تھا کہ اس پرواز سے جموں و کشمیر میں سیاحت کو فروغ دینے میں مدد ملے گی۔10 دن کے اندر پاکستان نے اپنی فضائی حدود استعمال کرنے کی اجازت دی لیکن بعد میں اجازت دینے سے انکار کیا۔ بھارت نے پاکستان سے پرواز کے لیے اوور فلائٹ حقوق دینے کی درخواست کی تھی۔