اننت ناگ// سالانہ امرناتھ یاترا جمعرات کو شروع ہوئی جب تقریباً 2,750 یاتریوں کا ایک گروپ بیس کیمپ سے بابا برفانی کے درشن کرنے کیلئے روانہ ہو گئے ہیں۔
یاترا کو ڈپٹی کمشنر پیوش سنگلا نے اننت ناگ ضلع کے پہلگام میں ننوان بیس کیمپ سے جھنڈی دکھا کر روانہ کیا۔
آج سے شروع ہونے والی یاترا میں زیادہ تر پیدل — راستے میں شیش ناگ اور پنچترنی میں رات کے قیام کے ساتھ تقریبا تین دن لگتے ہیں۔
سنگلا نے کہا کہ 43 روزہ یاترا کے ہموار انعقاد کو یقینی بنانے کے لیے تمام انتظامات مکمل کر لیے گئے ہیں، انہوں نے مزید کہا، “کوشش یہ ہے کہ یاتری محفوظ محسوس کریں اور پرامن طریقے سے بابا کے درشن کریں”۔ جموں و کشمیر کے لیفٹیننٹ گورنر منوج سنہا نے بدھ کو جموں بیس کیمپ سے 4,890 یاتریوں کے پہلے کھیپ کو جھنڈی دکھا کر روانہ کیا۔
حکام نے بتایا کہ شری امرناتھ شرائن بورڈ نے قدرتی طور پر بنائے گئے برف کے لنگم کے آن لائن ‘درشن’ کا بھی انتظام کیا ہے۔
