جموں: جموں کشمیر کی سرمائی دارالحکومت جموں کے سدھرا علاقے میں قائم بترا ہسپتال کے نزدیک جموں کشمیر پولیس نے ایم بی بی ایس کی ایک طالبہ کو گرفتار کیا ہے جس کی تحویل سے ایک دیسی ساخت کا پستول برآمد کیا گیا ہے۔
پولیس ذرائع کے مطابق لڑکی سرینگر کے صفا کدل علاقہ سے تعلق رکھتی ہے جو جموں کے میڈیکل کالج میں زیر تعلیم ہے۔ پولیس ذرائع کے مطابق لڑکی کو سپیشل آپریشن گروپ کی تحویل میں دیا گیا جو کیس کی تحقیقات کرے گا۔ یہ معلوم نہیں ہوسکا کہ آیا یہ پستول ، محض ایک کھلونا ہے یا اسکا استعمال تخریبی کارروائی کیلئے بھی کیا جاسکتا ہے۔ لڑکی کے مزید کوائف کے بارے میں پولیس نے کوئی تفصیلات فراہم نہیں کی ہیں۔
