امت نیوز ڈیسک //
سابق وزیر اعلٰی اور پی ڈی پی کی صدر محبوبہ مفتی نے کہا ہے کہ انتظامیہ نے انہیں کشمیری پنڈت سنیل کمار کی تعزیت کے لئے جانے کی اجازت نہیں دی ہے، اور شوپیان جانے سے قبل ہی انہیں گھر میں نظر بند رکھا ہے
محبوبہ مفتی نے ٹویٹ کرتے ہوئے لکھا کہ مرکزی حکومت کشمیری پنڈتوں کے درد کی پردہ پوشی کر رہی ہے، اور انکی سخت پالیسیوں کی وجہ سے کشمیری پنڈتوں کی ٹارگٹ کلنگ کی جاتی ہے جنہوں نے کشمیر سے ہجرت نہیں کی۔
جموں و کشمیر کی سابق وزیر اعلٰی اور پی ڈی پی کی صدر محبوبہ مفتی نے کہا ہے کہ انتظامیہ نے انہیں کشمیری پنڈت سنیل کمار کی تعزیت کے لئے جانے کی اجازت نہیں دی ہے، اور شوپیان جانے سے قبل ہی انہیں گھر میں نظر بند رکھا ہے۔
محبوبہ مفتی نے ٹویٹ کرتے ہوئے لکھا کہ مرکزی حکومت کشمیری پنڈتوں کے درد کی پردہ پوشی کر رہی ہے، اور انکی سخت پالیسیوں کی وجہ سے کشمیری پنڈتوں کی ٹارگٹ کلنگ کی جاتی ہے جنہوں نے کشمیر سے ہجرت نہیں کی۔
انہوں نے کہا وہ مہلوک کشمیری پنڈت سنیل کمار کی تعزیت کے لئے شوپیان جانا چاہتی تھیں، لیکن انہیں نظر بند کیا گیا ہے۔
محبوبہ مفتی نے مزید کہا مین اسٹریم سیاسی جماعتوں کو سیکورٹی خطرات کے بہانے نظر بند کیا جارہا ہے جبکہ خود انتظامیہ کے افسران کشمیر کے کونے کونے میں جارہے ہیں۔
یاد رہے کہ اس سے قبل انتظامیہ کی جانب سے متعد دفعہ محبوبہ مفتی کو نظر بند کیا تھا۔
