جموں//جموں وکشمیر ہائی کورٹ بار ایسو سی ایشن کی کال پر سرمائی راجدھانی جموں میں پیر کے روز بندھ کے بیچ وکلاء نے احتجاجی ریلی نکالی۔
بتادیں کہ ہائی کورٹ بار ایسو سی ایشن اور حکومتی نمائندوں کے درمیان بات چیت ناکام ہونے کے بعد وکلاء نے پیر کے روز بند کی کال دی ۔
یو این آئی اردو کے نامہ نگار نے بتایا کہ جموں میں ہائی کورٹ بار ایسو سی ایشن کی کال پر اہم بازار بند رہے ۔
انہوں نے بتایا کہ جانی پور جموں میں وکلاء کی ایک بڑی تعداد نے پیر کی صبح ایک احتجاجی ریلی نکالی جس دوران لاوڈ سپیکروں پر اعلانات کئے جارہے تھے کہ لوگ بندھ کی کال کو کامیاب بنائے۔
اُن کے مطابق وکلاء نے سڑکوں پر ٹائر بھی جلائے جس وجہ سے شاہراﺅں پر گاڑیوں کی آمدورفت میں خلل پڑا۔
ذرائع نے بتایا کئی علاقوں میں وکلاء نے زبردستی دکانوں کو بند کرایا ۔
نامہ نگار نے بتایا کہ پیر کی صبح سے ہی وکلاء کی بڑی تعداد جموں شہر کے مختلف علاقوں میں نمودار ہوئی اور شاہراہ پر بیٹھ کر دھرنا دیا ۔
بارایسو سی ایشن جموں نے حکومت سے مطالبہ کیا ہے کہ اُن کی جائز مانگوں کو جلدازجلد پورا کیا جائے بصورت دیگر احتجاج میں شدت لائی جائے گی۔
