جموں کشمیر انتظامیہ نے مزید پانچ سرکاری ملازمین کو عسکریت پسندوں سے تعلق رکھنے، منشیات کے عسکریت پسندی کے سنڈیکیٹ چلانے اور جنگجوانہ حملوں کو انجام دینے میں ممنوعہ تنظیموں کی مدد کرنے کے الزام میں ملازمت سے برطرف کر دیا گیا ہے۔
سرکاری ملازمین کو آئین کی شق 311(2)(C) کے تحت برطرف کیا گیا ہے۔
ایک سرکاری عہدیدار کاکہنا ہے کہ جموں و کشمیر حکومت سسٹم کے اندر موجود دہشت گرد عناصر کا پتہ لگانے اور انہیں ختم کرنے کی کوششیں کر رہی ہے۔ پچھلی حکومتوں کے دوران ایسے کئی عسکری عناصر کو بیک ڈور سے ملازمتیں فراہم کی گئیں۔
تنویر سلیم ڈار (کانسٹیبل): ان کی تقرری 1991 میں ہوئی تھی۔ جولائی 2002 میں، تنویر نے بٹالین ہیڈ کوارٹر میں ’آرمرر‘ کے طور پر اپنی پوسٹنگ سنبھالی۔ تنویر کے کیس کی تفتیش سے یہ بات سامنے آئی ہے کہ اس نے یہ پوسٹنگ عسکریت پسندوں کے آتشیں اسلحے کی مرمت اور ان کے لیے گولہ بارود کا بندوبست کرنے کے لیے کی تھی۔
وہ سری نگر میں لشکر طیبہ کے اہم ترین کمانڈر اور رسد فراہم کرنے والے کے طور پر جانا جاتا تھا۔ بعد ازاں تفتیش سے یہ بات سامنے آئی ہے کہ تنویر سری نگر میں عسکری حملوں کی ایک سیریز میں ملوث تھا اور اس نے ایم ایل سی جاوید شالہ کے قتل میں کلیدی کردار ادا کیا تھا۔
آفاق احمد وانی: آفاق بارہمولہ سنٹرل کوآپریٹو بینک لمیٹڈ میں بطور منیجر کام کر رہے تھے۔
افتخار اندرابی: افتخار کو پلانٹیشن سپروائزر مقرر کیا گیا تھا۔
ارشاد احمد خان: ارشاد 2010 میں محکمہ جل شکتی میں بطور آرڈرلی تعینات ہوا تھا۔
عبدالمومن پیر: عبدل کو 2014 میں پی ایچ ای سب ڈویڑن میں اسسٹنٹ لائن مین کے طور پر تعینات کیا گیا تھا۔
