امت نیوز ڈیسک//
موغادیشو:صومالیہ کے دارالحکومت موغادیشو میں دو کار بم دھماکے ہوئے جس کے نتیجے میں کم از کم 100 افراد ہلاک ہوگئے۔ یہ دھماکے وزارت تعلیم کے دفتر کے احاطے میں ہوا۔ صومالیہ کے صدر حسن شیخ کے مطابق 300 افراد زخمی ہوئے ہیں۔ واضح رہے کہ صومالیہ کے دارالحکومت موغادیشو میں 29 اکتوبر کو دو کار بم دھماکے ہوئے جس میں 30 افراد کی ہلاکت کی تصدیق ہوئی تھی جب کہ لیکن اب ہلاکتوں کی تعداد بڑھ کر 100 تک پہنچ گئی ہے۔ ساتھ ہی اب تک کسی تنظیم نے اس حملے کی ذمہ داری قبول نہیں کی ہے۔
صومالیہ کے صدر حسن شیخ محمود نے اس حملے کو بزدلانہ قرار دیتے ہوئے اس کا ذمہ دار دہشت گرد تنظیم الشباب پر عائد کیا ہے۔ یہ حملہ ایسے وقت میں ہوا ہے جب ملک کے صدر دہشت گردی کے خلاف سخت اقدامات اٹھانے کے لیے تمام اعلیٰ حکام سے ملاقات کر رہے ہیں۔ واضح رہے کہ اکتوبر 2017 میں اسی مقام پر ٹرک بم دھماکے میں 500 افراد ہلاک ہوئے تھے۔
