سرینگر // لیفٹنٹ گورنر منوج سنہا نے اتوار کو کہا کہ وزیر اعظم کی رہنمائی میں جموں و کشمیر کے نوجوان مختلف شعبوں میں نئی تاریخ رقم کر رہے ہیں اور قومی ترقی میں اپنا حصہ ڈال رہے ہیں۔ مائیکرو بلاگنگ سائٹ ٹویٹر پر لیفٹنٹ گورنر منوج سنہا نے لکھا ”جموں کشمیر روزگار میلہ سے خطاب کرنے اور تقرری خط حاصل کرنے والے 3000 نوجوانوں کو آشیرواد دینے کیلئے وزیر اعظم نریندر مودی جی کا شکر گزار ہوں۔ وزیر اعظم کی رہنمائی میں، جموں و کشمیر کے نوجوان مختلف شعبوں میں نئی تاریخ رقم کر رہے ہیں اور قومی ترقی میں اپنا حصہ ڈال رہے ہیں“۔لیفٹنٹ گورنر منوج سنہا نے مزید لکھا ”گڈ گورننس لوگوں کی خدمت کرنے اور غریب ترین غریبوں کی خوشحالی اور بہبود کے لیے کام کرنے کا عہد ہے“۔انہوں نے کہا،”مجھے یقین ہے کہ نئے مقررین عوامی خدمت میں ہماری اقدار کو تقویت دینے میں اہم کردار ادا کریں گے اور دیانتداری، مکمل دیانتداری اور سچائی کے ساتھ لوگوں کی خدمت کریں گے۔“
