امت نیوز ڈیسک //
سرینگر: سپیشل تحقیقاتی ایجنسی (ایس آئی یو) نے جمعے کے روز سرینگر کی ایک عدالت میں 13ملزمان کے خلاف چارج شیٹ پیش کیا۔
ایس آئی یو نے تیرہ ملزمان کے خلاف چارج شیٹ دائر کیاپولیس کے ایک ترجمان نے بتایا کہ پارمپورہ پولیس تھانے میں درج کیس زیر نمبر 127 کے سلسلے میں 28 مئی 2022 کو مصدقہ اطلاع موصول ہونے کے بعد سکIورٹی فورسز نے برتھنہ قمر واری میں کئی رہائشی مکانوں کی تلاشی لی جس دوران چھ افراد کو حراست میں لیا گیا اور بعد میں ایک سرگرم عسکریت پسند شارق وانی کی بھی گرفتاری عمل میں لائی گئی۔انہوں نے بتایا کہ مزید تین ملزمان (سرگرم عسکریت پسند) جو اس کیس میں پولیس کو مطلوب تھے مختلف تصادم آرائیوں کے دوران مارے گئے جبکہ اس کیس میں مزید تین عسکریت پسند جن کی شناخت باسط ، مومن اور اومیس کے بطور ہوئی ہے پولیس کو مطلوب ہے اور تینوں ٹی آر ایف سے وابستہ ہے۔
تحقیقاتی ایجنسی کی چھاپہ مار کارروائیاُن کے مطابق تحقیقات کے دوران یہ بات سامنے آئی کہ ملزمان نے سرگرم عسکریت پسند کے ساتھ روابط استوار کر رکھے تھے اور مجرمانہ سازش کے تحت انہوں نے عسکریت پسندوں کے ساتھ مل کر سرینگر ضلع میں عسکریت پسندانا سرگرمیوں کو انجام دینے کی سازش کی تھی۔یہاں یہ بات غور طلب ہے کہ مذکورہ عسکریت پسند کو رہائشی مکانات میں پناہ دی گئی تھی۔ یو اے پی اے ایکٹ کی دفعہ 25 کے تحت تخریبی سرگرمیوں کے لئے استعمال میں لائے گئے ان مکانات کو اٹیچ کرنے کی خاطر اقدامات اُٹھائے جارہے ہیں۔( یو این آئی)
