امت نیوز ڈیسک //
بانڈی پورہ: شمالی کشمیر کے بانڈی پورہ ضلع کے ٹکی شاہ گاؤں میں شبانہ آتشزدگی کی ہولناک واردات میں ایک 35 سالہ خاتون جھلس کر لقمہ اجل بن گئی ہوگئی۔
حکام کھ مطابق خاتون کی شناخت نسیمہ بیگم زوجہ فیاض احمد خان ساکنہ ٹکی شاہ کے طور ہوئی ہے جو رات گئے لگنے والی آگ میں جھلس کر جاں بحق ہوگئی جب کہ اس کے گھر میں آگ بھڑک اٹھی اور وہ آگ کی لپیٹ میں آگئی اور اسے بچایا نہیں جاسکا.
انہوں نے بتایا کہ آگ میں گھر کے سامان سمیت عمارت مکمل طور پر جل کر خاکستر ہوگئی۔ ایک پولیس اہلکار نے واقعے کی تصدیق کرتے ہوئے کہا کہ آگ لگنے کی وجہ معلوم کی جارہی ہے تاہم بظاہر لگتا ہے کہ یہ بجلی کے شارٹ سرکٹ کے باعث لگی۔( کے این او)
