امت نیوز ڈیسک //
قاضی گنڈ:پیپلز ڈیموکریٹک پارٹی کی سربراہ محبوبہ مفتی نے بی جے پی پر کشمیری پنڈتوں کے درد اور تکلیف کا استحصال کرنے کا الزام عائد کیا ہے۔ انہوں نے کہا کہ بی جے پی حکومت کشمیر میں اقلیتی برادری کو تحفظ فراہم کرنے میں ناکام ثابت ہوئی ہے۔ محبوبہ مفتی نے ان باتوں کا اظہار قاضی گنڈ میں کیا۔
بی جے پی کشمیری پنڈتوں کو تحفظ فراہم کرنے میں ناکام ثابت، محبوبہ مفتیمحبوبہ مفتی نے کہا کہ مرکزی حکومت اور جموں و کشمیر انتظامیہ، کشمیری پنڈتوں کو تحفظ فراہم کرنے میں ناکام ہوئے وہ کشمیری پنڈتوں کے مسائل کے بارے میں سنجیدہ نہیں ہے۔
انہوں نے کہا کہ یہ بدقسمتی کی بات ہے کہ کشمیری پنڈت ملازمین کی معلومات آن لائن لیک ہوئی جس کے بعد انہیں مشتبہ عسکریت پسندوں کی جانب سے دھمکی ملی ہے۔
محبوبہ مفتی نے کہا کہ جموں میں کشمیری پنڈت ملازمین پچھلے چھ ماہ سے احتجاج پر بیٹھے ہیں اور مرکزی حکومت ان پنڈت ملازمین کے مسائل پر کوئی فیصلہ نہیں لے رہی ہے۔ ایک طرف حکام کشمیری پنڈتوں کو واپس ڈیوٹی پر رپورٹ کرنے کے لیے کہا جا رہا ہے تو دوسری جانب ان کی تفصیلات کو لیک کیا جا رہا ہے۔
جموں و کشمیر میں اسمبلی انتخابات کے سوال پر محبوبہ مفتی نے کہا کہ اس بارے میں الیکشن کمیشن ہی بتائے گا کہ جموں و کشمیر میں الیکشن کب ہوں گے۔
واضح رہے کہکشمیری پنڈت ملازمین کو ایک بار پھر مشتبہ عسکریت پسندوں کی جانب سے دھمکیاں موصول ہوئی ہیں۔ بتایا جا رہا ہے کہ کالعدم تنظیم لشکر طیبہ سے منسلک گروپ دی ریزسٹنس فرنٹ نے 57 پنڈت ملازموں کی فہرست تیار کی اور ان ملازمین کے دھمکی آمیز پوسٹ سوشل میڈیا پر وائرل ہو رہے ہے۔
