امت نیوز ڈیسک //
سرینگر :جنوبی کشمیر کے اننت ناگ ضلع سے ایک سینئر صحافی کو پولیس نے گرفتار کیا ہے۔
خبر رساں ایجنسی کے این او نے ایک اعلیٰ پولیس اہلکار کے حوالے سے بتایا کہ اننت ناگ کے سینئر صحافی خالد گل کو گرفتار کر لیا گیا ہے۔
انہوں نے کہا کہ اسے 2017 میں درج ایک پرانے مقدمے میں گرفتار کیا گیا تھا۔ خالد گل گزشتہ کئی سالوں سے جموں و کشمیر کے ایک معروف اخبار سے وابستہ تھے۔
قابل ذکر ہے کہ کشمیر میں صحافیوں کو آن لائن دھمکی سے متعلق ایک معاملے کی تحقیقات کے سلسلے میں پولیس نے 19 نومبر کو ان کی رہائش گاہ کی تلاشی لی تھی۔
