امت نیوز ڈیسک //
سری نگر: جموں و کشمیر کے بڈگام ضلع کے رادبگ گاؤں میں سکیورٹی فورسز کے درمیان انکاؤنٹر شروع ہو گیا ہے۔ سکیورٹی فورسز نے علاقے کو محاصرے میں لیکر شرچ آپریشن بھی شروع کر دیا ہے، حالانکہ اس دوران دونوں جانب سے فائرنگ کی بھی اطلاعات موصول ہوئی ہیں۔ اطلاع کے مطابق کچھ عسکریت پسندوں کے محاصرے میں پھنسے ہونے کی اطلاع ہے۔ کشمیر پولیس زون نے ٹویٹ کیا کہ ماگام علاقے کے رادبگ میں انکاؤنٹر شروع ہو گیا ہے، جہاں سیکورٹی فورسز نے عسکریت پسندوں کے خلاف آپریشن شروع کیا ہے۔
پولیس حکام نے بتایا کہ علاقے میں چھپے ہوئے عسکریت پسندوں کی موجودگی کی خفیہ اطلاع ملنے کے بعد پولیس، فوج اور سی آر پی ایف نے مشترکہ طور پر علاقے کا محاصرہ کر کے سرچ آپریشن کیا۔ حکام نے بتایا کہ جیسے ہی سکیورٹی فورسز نے گھیرا تنگ کیا تو محاصرے میں پھنسے عسکریت پسندوں نے فائرنگ شروع کردی جس کے نتیجے میں انکاؤنٹر ہو گیا۔ حکام نے بتایا کہ اس مقام پر دو عسکریت پسند چھپے ہو سکتے ہیں۔ حکام نے مزید بتایا کہ علاقے کو گھیرے میں لے لیا گیا ہے اور آنے جانے والے راستوں پر پہرہ بٹھا دیا گیا ہے تاکہ چھپے ہوئے عسکریت پسند فرار نہ ہو سکیں۔
واضح رہے کہ گذشتہ روز جموں و کشمیر کے ضلع راجوری میں ہوئے حملہ کے بعد جموں و کشمیر میں سکیورٹی کو الرٹ ہوگئی تھی اور کئی اضلاع میں سرچ آپریشن کیا۔ پولیس کے کے مطابق ضلع راجوری کے مختلف علاقوں میں دوہفتوں کے دوران 100 سرچ آپریشن چلائے گئے۔ اس دوران خطہ پیرپنچال کے ساتھ ساتھ راجوری کے بیشرعلاقوں میں سیکورٹی کے انتظامات بھی سخت رہے۔
