امت نیوز ڈیسک //
ضلع سرینگر میں منگل کو آگ کی ایک ہولناک واردات پیش آئی جبکہ مکان میں رہائش ایک بزرگ شخص کی لاش بھی برآمد ہوئی ہے۔
ذرائع کے مطابق سرینگر کے قمر واری چوک میں 65 سالہ بشیر احمد ڈار کی رہائشی ماکان میں آگ کی واردات پیش آئی جہاں پر مقامی ذرائع کے مطابق بشیر احمد اکیلا رہتا تھا۔
پولیس ذرائع کا کہنا ہے کہ آگ کی اطلاع ملنے کے فوراً بعد پولیس اور فائر سروس کے اہلکاروں نے آگ کو مزید پھیلنے سے روک دیا تاہم متاثرہ مکان سے بشیر احمد کی لاش برآمد ہوئی۔
انہوں نے بتایا کہ لاش کو طبی اور قانونی کارروائیوں کے لیے سرینگر کے ایس ایم ایچ ایس منتقل کیا گیا، تاہم اس سلسلے میں ایک کیس درج کرکے مزید تحقیقات شروع کر دی گئی ہے۔
پولیس کا کہنا ہے مزکورہ شخص کی موت کے وجوہات کا پتہ لگایا جارہا ہے۔
