امت نیوز ڈیسک //
انہدامی کاروائی کے دوران پتھراؤ، ڈی ڈی سی ممبر سمیت 8 افراد گرفتارحکومت جموں و کشمیر کی جانب سے جاری انہدامی کارروائی کے دوران انتظامیہ کے ملازمین پر پتھراؤ کے سلسلے میں جموں صوبہ میں پولیس نے ڈی ڈی سی ممبر سمیت 8 افراد کی گرفتاری عمل میں لائی۔
جموں و کشمیر پریس سروس کے موصولہ تفصیلات کے مطابق جموں کے ملک مارکیٹ میں ہفتے کے روز انہدامی کارروائی کے دوران لوگوں نے انتظامیہ کے خلاف زور دار احتجاج کرتے ہوئے پتھراؤ بھی کیا، جس کے بعد پولیس نے مظاہرین کو منتشر کرنے کے لئے آنسو گیس کے گولے داغے تھے، جس میں کئی گاڑیوں کو بھی نقصان پہنچا تھا۔
معاملے کی نسبت سے پولیس نے کیس درج کرکے تحقیقات شروع کر دی، جس دوران پتھراؤ کرنے والوں کی شناخت کی گئی، جس میں عام آدمی پارٹی ڈوڈہ سے ایک ڈی ڈی سی ممبر بھی شامل ہے۔
