امت نیوز ڈیسک //
اننت ناگ / / ضلع انت ناگ انتظامیہ نے جمعرات کو ضلع کے سری گفوارہ علاقے میں سرکاری اراضی پر تعمیر کی گئی ایک تجارتی عمارت کو اپنے قبضے میں لے لیا ہے، جو مبینہ طور پر ایک بی جے پی لیڈر کی ہے۔ سرکاری ذرائع نے بتایا کہ صوفی یوسف جو کہ بھارتیہ جنتا پارٹی سے وابستہ ہیں ۔ نے سری گفوارہ، بجبہاڑہ علاقے میں 25 مرلہ سرکاری اراضی پر کمرشل عمارت تعمیر کر کے قبضہ کر لیا ہے۔ انہوں نے کہا کہ دو منزلہ کمر شل عمارت گیارہ دکانوں پر مشتمل ہے۔ عہدیدار نے بتایا کہ آج متعلقہ عہد یداروں نے جائے وقوعہ کا دورہ کیا، عمارت کو قبضہ میں لیا اور اسے عوامی استعمال کے لیے دیسی ترقی محکمہ کشمیرکے حوالے کر دیا۔
دریں اثناء صوفی یوسف نے دعوی کیا کہ ان کے پاس اراضی کے اصلی دستاویزات ہیں، میں انہیں متعلقہ حکام کے سامنے پیش کر سکتا ہوں”۔
