امت نیوز ڈیسک//
سری نگر //پولیس نے جمعہ کے روز پبلک سیفٹی ایکٹ (پی ایس اے) کے تحت ایک بد نام زمانہ چور کے خلاف مقدمہ درج کیا ہے۔
تفصیلات کے مطابق، وسطی کشمیر کے بڈگام ضلع میں حکام سے ضروری منظوری حاصل کرنے کے بعد مذکورہ چور کے خلاف کاروائی کی گئی۔ پولیس نے جتایا کہ شمالی کشمیر کے ضلع بارہمولہ کے کا کار پورہ میر گند کارہائشی عمران حسین میر نامی ایک چور کو پی ایس اے کے تحت چوری اور نقب زنی کی بے لگام مجرمانہ کارروائیوں کے الزام میں حراست میں لیا گیا تھا۔ پولیس نے مزید کہا کہ حراست میں لینے کے بعد اسے ضلع جیل کپواڑہ منتقل کیا گیا۔
انہوں نے مزید کہا کہ یہ چور کشمیر کے مختلف پولیس تھانوں میں درج چوری اور نقب زنی کے ایک درجن واقعات میں ملوث تھا۔
