بی ایس ایف آفیسر دل کا دورہ پڑنے سے ہلاک

امت نیوز ڈیسک //
پونچھ (جموں و کشمیر) :بارڈر سیکورٹی فورسز (بی ایس ایف) کے ایک اسسٹنٹ سب انسپکٹر (اے ایس آئی) کی پیر کی صبح سرحدی ضلع پونچھ کے مینڈھر علاقے میں دل کا دورہ پڑنے سے موت واقع ہو گئی۔ متوفی کی شناخت بی ایل جونکو کے طور پر ہوئی ہے۔ آفیشلز نے تصدیق کرتے ہوئے کہا کہ اے ایس آئی رینک کے ایک آفسر نے اُس وقت طبیعت خراب ہونے کی شکایت کی جب وہ معمول کے مطابق اپنی ڈیوٹی کے لیے تیار ہو رہا تھا۔

آفیشلز کا کہنا ہے کہ آفیسر فوراً ہی گر پڑا اور اس کے منہ سے جھاگ نکلنے لگا۔ بی ایس ایف کے دیگر اہلکاروں نے اسے فوری طور پر ایس ڈی ایچ، مینڈھر، پہنچایا جہاں تمام ممکنہ کوششوں کے باوجود افسر بی ایس ایف آفیسر جانبر ہو سکا۔ بلاک میڈیکل آفیسر (بی ایم او) مینڈھر نے بھی آفیسر کی موت کی تصدیق کرتے ہوئے کہا کہ ’’مینڈھر کے ایک طبی مرکز میں آفیسر کی موت واقع ہو ئی ہے۔‘‘یہ بھی پڑھیں:اونتی پورہ: پولیس اہلکار کی حرکت قلب بند ہونے سے موتادھر، اس ضمن میں پولیس نے آفیسر کی موت کی وجہ معلوم کرنے کے لیے تحقیقات شروع کر دی ہے۔ جموں و کشمیر میں تعینات فوج اور نیم فوجی دوستوں میں حرکت قلب بند ہونے اور خودکشی اور برادرکشی کے واقعات تشویش کا باعث بنے ہوئے ہیں۔ گزشتہ برسوں کے دوران خودکشی سمیت دل کا دورہ پڑنے سے ہوئی ہلاکتوں میں کئی گنا اضافہ دیکھنے کو مل رہا ہے۔