امت نیوز ڈیسک //
ضلع بارہمولہ کے کریری فرستہار علاقے میں جمعرات کو ٹریکٹر پلٹنے سے ٹریکٹر ڈرائیور کی موت واقع ہوئی ہے۔
پولیس نے حادثے کی تصدیق کرتے ہوئے متوفی کی شناخت 33 سالہ جاوید احمد وانی ولد غلام محمد وانی ساکن واریپورہ کریری کے بطور کی ہے۔
مقامی ذرائع سے معلوم ہوا ہے کہ جاوید آج سیب کے باغات میں دوا پاشی کر رہا تھا کہ فرستہار موڈ پر اچانک ٹریکٹر پلٹنے سے وہ شدید زخمی ہوا، جس کو علاج معالجہ کے لئے نزدیکی اسپتال کریری منتقل کیا گیا، جہاں پر ڈاکٹروں نے اسے مردہ قرار دیا۔
انہوں نے بتایا کہ معاملے کی نسبت سے مزید تحقیقات شروع کر دی گئی ہے۔
