امت نیوز ڈیسک //
گاندربل: وسطی کشمیر کے گاندربل ضلع کے سونمرگ علاقے میں بدھ اور جمعرات کی درمیانی شب ایک شخص کی نامعلوم لاش برآمد ہوئی ہے۔ ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ پولیس کو مقامی رہائشیوں سے اطلاع ملی کہ امپیریل ریزورٹس سونمرگ کے پیچھے دریائے سندھ کے قریب ایک لاش پڑی ہے۔
انہوں نے بتایا کہ اطلاع ملتے ہی سونمرگ پولس اسٹیشن کی ایک ٹیم فوراً موقع پر پہنچی اور لاش کو برآمد کیا۔
پولیس نے قانون کی متعلقہ دفعات کے تحت مقدمہ درج کر کے مزید تفتیش شروع کر دی ہے۔(کے این او)
