امت نیوز ڈیسک//
سری نگر، 11 اپریل: جموں و کشمیر پولیس نے منگل کو شمالی کشمیر کے بارہمولہ ضلع میں لشکر طیبہ کے دو ساتھیوں کو گرفتار کر کے ایک عسکریت پسند ماڈیول کا پردہ فاش کرنے کا دعویٰ کیا ہے۔
خبر رساں ایجنسی کو جاری کردہ ایک بیان میں- ایک ترجمان نے کہا کہ قابل اعتماد معلومات کی بنیاد پر فورسز کی مشترکہ ٹیم نے پٹن میں لشکر طیبہ کے دو ساتھیوں کو گرفتار کر کے ایک عسکریت پسند ماڈیول کا پردہ فاش کیا جن کی شناخت سوپور کی فاروق احمد پارا اور صائمہ بشیر کے نام سے کی گئی۔
بیان میں کہا گیا ہے کہ ان کے قبضے سے اسلحہ اور گولہ بارود برآمد کیا گیا جس میں ایک پستول، 2 پستول میگزین، 5 پستول کے راؤنڈ، آئی ای ڈی اور ایک ریموٹ کنٹرول آئی ای ڈی جس کا وزن تقریباً 2 کلو گرام تھا۔
"ان سے مزید پوچھ گچھ کے دوران، انہوں نے انکشاف کیا کہ یہ جوڑی تحریک لبیک کے سرگرم عسکریت پسند عابد قیوم لون آف وسان پتن کے ساتھ کام کر رہے تھے”۔
اس نے مزید کہا کہ آرمز اینڈ یو ایل اے (پی) ایکٹ کی دفعات کے تحت تھانہ پٹن میں مقدمہ درج کیا گیا ہے اور تفتیش جاری ہے۔
