امت نیوز ڈیسک//
بڈگام، 12 اپریل وسطی کشمیر کے بڈگام ضلع کے چاڈورہ علاقے میں بدھ کی دوپہر کو سڑک حادثے میں ایک نوجوان کی موت ہو گئی جبکہ دوسرا زخمی ہو گیا۔
ایک اہلکار نے خبر رساں ایجنسی کو بتایا کہ چاڈورہ کے بورواہ علاقے میں دو نوجوان موٹر سائیکل پر سوار ہونے کے بعد سڑک سے پھسل کر زخمی ہو گئے۔
انہوں نے بتایا کہ دونوں کو سب ڈسٹرکٹ ہسپتال ناگام منتقل کیا گیا جہاں سے انہیں ایس ایم ایچ ایس سری نگر منتقل کیا گیا تاہم ان میں سے ایک بعد میں زخموں کی تاب نہ لاتے ہوئے چل بسا۔
اس نے مرنے والوں کی شناخت عمران فاروق ولد فاروق احمد لون (15) اور زخمی کی شناخت مومن الطاف ولد محمد الطاف شیخ (18) کے نام سے کی ہے جو دونوں یارکلان چاڈورہ کے رہائشی ہیں۔
دوسری جانب پولیس نے واقعے کا نوٹس لیتے ہوئے اس حوالے سے مزید تفتیش شروع کردی ہے۔
