امت نیوز ڈیسک/)
سری نگر، 15 اپریل: شمالی کشمیر کے بارہمولہ ضلع کے پٹن علاقے میں ہفتہ کی دوپہر کو بی ایس این ایل کے ایک ملازم کی ڈیوٹی کے دوران بجلی کا جھٹکا لگنے سے موت ہو گئی۔
ایک اہلکار نے بتایا کہ بی ایس این ایل ایکسچینج پٹن میں یومیہ اجرت پر کام کرنے والے بی ایس این ایل ملازم کو ڈیوٹی کے دوران بجلی کا جھٹکا لگا۔
انہوں نے بتایا کہ ملازم کی شناخت مشتاق احمد میر (48) ولد ولی محمد میر ساکن تانترے پورہ پٹن کے طور پر ہوئی ہے جسے ایس ڈی ایچ پٹن منتقل کیا گیا جہاں ڈاکٹروں نے اسے مردہ قرار دے دیا۔
قانونی اور طبی کارروائی کے بعد لاش کو قانونی ورثاء کے حوالے کیا جا رہا ہے، انہوں نے مزید کہا کہ پولیس نے اس حوالے سے تفتیش شروع کر دی ہے۔
