امت نیوز ڈیسک//
سی این ایس ڈیسک، 17-اپریل؛ صدر دروپدی مرمو نے آج قومی پنچایت ایوارڈ ہفتہ کا افتتاح کیا اور نئی دہلی میں ’’پنچایتوں کی حوصلہ افزائی کے لیے قومی کانفرنس کم ایوارڈ تقریب‘‘ میں قومی پنچایت ایوارڈز سے نوازا۔
اجتماع سے خطاب کرتے ہوئے صدر نے کہا کہ پورے ملک کی ترقی کے لیے دیہات بنیادی اکائیاں ہیں، جنہیں پہلے ترقی کی ضرورت ہے۔ انہوں نے کہا کہ گاؤں والوں کو اپنی پسند کے مطابق اپنے گاؤں کی ترقی کا حق ہونا چاہیے۔ خواتین کی کاوشوں کو سراہتے ہوئے صدر مملکت نے کہا کہ معاشرے کی ہمہ گیر ترقی خواتین کی شراکت سے ہی ممکن ہے۔ انہوں نے زور دیا کہ گائوں میں امن اور ہم آہنگی کو برقرار رکھنے پر توجہ دی جانی چاہیے۔
پنچایتی راج کی وزارت 24 اپریل کو طے شدہ قومی پنچایتی راج دن کے سلسلے میں آزادی کا امرت مہوتسو 2.0 کے ایک حصے کے طور پر، آج سے اس مہینے کی 21 تاریخ سے شروع ہونے والا قومی پنچایت ایوارڈ ہفتہ منا رہی ہے۔ وزارت نے اس یادگار موقع کو منانے کے لیے "پنچایتوں کے سنکلپون کی سدھی کا اتسو” کے تھیم پر مبنی موضوعاتی کانفرنسوں کا ایک سلسلہ تیار کیا ہے۔ وزارت نے کہا کہ اس سلسلے کے تحت، ہفتہ کی تقریبات کے دوران پنچایتی راج اداروں کے ذریعے پائیدار ترقی کے اہداف کی لوکلائزیشن اور وے فارورڈ فار 2047 کے تحت نو موضوعات پر مشتمل پانچ قومی کانفرنسیں منعقد کی جائیں گی۔
ہمارے نامہ نگار کی اطلاع ہے کہ اس تقریب میں ملک بھر سے ایک ہزار 500 سے زائد مندوبین نے شرکت کی۔ دیہی ترقی اور پنچایتی راج کے مرکزی وزیر گری راج سنگھ، پنچایتی راج کے مرکزی وزیر مملکت کپل موریشور پاٹل، اور دیہی ترقی کے مرکزی وزیر مملکت فگن سنگھ کلستے بھی اس تقریب میں موجود تھے۔
