امت نیوز ڈیسک//
سری نگر، 19 اپریل: کشمیر میں کل سے مسلسل بارش ہونے کے بعد حکام نے بدھ کو کہا کہ وادی میں سیلاب جیسی کوئی تشویشناک صورتحال نہیں ہے اور لوگوں کو گھبرانے کی ضرورت نہیں ہے۔
خبر رساں ایجنسی سے بات کرتے ہوئے محکمہ آبپاشی اور فلڈ کنٹرول کے چیف انجینئر ایر نریش کمار نے کہا کہ وادی میں فی الحال تشویشناک صورتحال نہیں ہے۔
سنگم میں الرٹ کی سطح خطرے کے نشان سے کافی نیچے ہے اور رام منشی باغ میں بھی یہی ہے۔ اس وقت سیلاب جیسی کوئی تشویشناک صورتحال نہیں ہے اور لوگوں کو بھی گھبرانے کی ضرورت نہیں ہے۔
انہوں نے یہ بھی کہا کہ یہ توقع ہے کہ دوپہر میں موسم بہتر ہونے کا امکان ہے، اس لیے فی الحال گھبرانے کی ضرورت نہیں ہے۔
وادی کشمیر میں کل سے وقفے وقفے سے بارش ہوئی ہے، جب کہ ماہر موسمیات نے دن گزرنے کے ساتھ ساتھ مزید بارش کی پیش گوئی کی ہے۔
ایک آزاد ماہر موسمیات نے پیش گوئی کی ہے کہ جموں و کشمیر کے اونچی علاقوں میں اچھی خاصی برف باری ہوگی، جب کہ میدانی علاقوں میں ہلکی سے بھاری بارش ہوسکتی ہے۔
ان کا مزید کہنا تھا کہ جمعہ تک مزید بارشوں کا امکان ہے جب کہ زیادہ سے زیادہ درجہ حرارت معمول سے 4 سے 13 ڈگری سینٹی گریڈ تک کم رہے گا۔
