امت نیوز ڈیسک //
جموں، 25 مئی (جی این ایس): ضلع کشتواڑ کے بہلنا جنگلات میں کل رات ایک درخت عارضی خیمے پر گرنے سے ایک بکروال خاندان کے چار افراد لقمہ اجل بن گئے ہو گئے۔ حلام نے کہا کہ آدھی رات کے قریب علاقے میں تیز ہواؤں اور شدید بارش کے درمیان درخت گرا۔
متوفین کی شناخت نذیر احمد (55)، ان کی بیوی انور بیگم (42)، شمع بیگم (26) اہلیہ شوکت احمد اور شکیلہ بانو (17) کے طور پر کی گئی ہے، جو تمام ضلع کٹھوعہ کے رہنے والے ہیں۔
سٹیشن ہاؤس آفیسر کشتواڑ عابد بخاری نے اس کی تصدیق کرتے ہوئے کہا کہ واقعہ کے سلسلے میں مقدمہ درج کر لیا گیا ہے۔(جی این ایس)
