امت نیوز ڈیسک //
ضلع بارہمولہ کے پٹن پلہالن میں بدھ کے روز سڑک کے ایک حادثے میں 24 سالہ لڑکی لقمہ اجل بن گئی۔
اطلاعات کے مطابق یہ حادثہ اس وقت پیش آیا جب پلہالن پٹن میں ٹی سی پی کے نزدیک ایک تیز رفتار گاڑی نے راہ چلتی لڑکی کو ٹکر مار کر موقع سے فرار ہوا، جس کی وجہ سے لڑکی شدید طور پر زخمی ہوئی۔
واقعے کے فوراً بعد مقامی لوگ جائے واردات کی طرف دوڑنے لگے اور زخمی لڑکی کو علاج معالجہ کے لئے ٹراما اسپتال پٹن منتقل کیا جہاں پر ڈاکٹروں نے اسے مردہ قرار دیا۔
پولیس نے حادثے کی تصدیق کرتے ہوئے متوفی کی شناخت انشا گل دختر مرحوم غلام محمد میر ساکن نلّا پلہالن پٹن کے بطور کی ہے
انہوں نے بتایا کہ اس سلسلے میں ایک رپورٹ درج کرکے مزید تحقیقات شروع کر دی گئی ہے۔
