امت نیوز ڈیسک//
قاضی گنڈ، 03 جون: جنوبی کشمیر کے کولگام ضلع کے قاضی گنڈ کے دلواچ علاقے میں ہفتہ کو ایک ٹرک ڈرائیور پراسرار حالات میں مردہ پایا گیا۔
ایک اہلکار نے نیوز ایجنسی – کشمیر نیوز آبزرور کو بتایا کہ اس شخص کی شناخت ترسیم لال ولد ماشو رام ساکن کٹھوعہ کے طور پر ہوئی ہے جس کی لاش اپنے ٹرک کے اندر لٹکی ہوئی پائی گئی۔
انہوں نے کہا، "اس کی لاش کو طبی اور قانونی کارروائیوں کے لیے ایمرجنسی ہسپتال قاضی گنڈ منتقل کر دیا گیا ہے۔”
انہوں نے کہا کہ موت مشکوک معلوم ہوتی ہے اور 174 سی آر پی سی کے تحت انکوائری کی کارروائی شروع کی گئی ہے۔
