امت نیوز ڈیسک //
جموں و کشمیر پیپلز کانفرنس (جے کے پی سی) نے واگورہ-کریری حلقہ انتخاب کے سربراہ سید بشارت بخاری کو مبینہ طور پر پارٹی مخالف سرگرمیوں کی وجہ سے پارٹی سے نکال دیا ہے۔ مائیکرو بلاگنگ سائٹ پر ایک بیان میں، پیپلز کانفرنس نے کہا، "سید بشارت بخاری، حلقہ کے سربراہ کریری کو پارٹی مخالف سرگرمیوں میں ملوث ہونے پر پارٹی سے نکال دیا گیا ہے۔”
بیان میں مزید کہا گیا ہے، "اس کے علاوہ، کریری میں پی سی اور یوتھ پی سی کی تمام اکائیوں کو تحلیل کر دیا گیا ہے اور نئے حلقہ کے سربراہ کے چارج سنبھالنے کے بعد ان کی تشکیل نو کی جائے گی۔”
سید بشارت بخاری دو بار سنگرامہ نشست سے ایم ایل اے منتخب ہوئے جبکہ 2014میں وہ پی ڈی پی کی جانب سے وزیر بھی بنائے گئے۔ادھر رپورٹس کے مطابق وہ جلد ایک نئی پارٹی کی تشکیل دینے جا رہے ہیں۔
