امت نیوز ڈیسک //
ریزلٹ دیکھیں
http://results.indiaresults.com/jk/jkbose/class10-exam-result-2023/mquery.htm
جموں و کشمیر اور لداخ میں ہفتے کے روز جموں و کشمیر بورڈ آف اسکول ایجوکیشن نے دسویں جماعت کے امتحانی نتائج کا اعلان کیا ہے۔
جموں و کشمیر پریس سروس کے موصولہ تفصیلات کے مطابق امتحانی نتائج میں کل 79.89 فیصد امیدوار کامیاب ہوئے ہے۔
بورڈ حکام کے مطابق جموں وکشمیر اور لداخ یوٹیز میں کُل 77422 لڑکوں اور 71279 لڑکیوں نے دسویں جماعت کے سالانہ ریگولر 2023ء میں اِندراج کیا تھا جن میں سے 118791 طلباء نے اِمتحان پاس کیا۔
لڑکیوں نے لڑکوں کے 78.23 فیصد پاس کے مقابلے میں 81.68 فیصد پاس کر کے دوبارہ سبقت حاصل کی ہے۔
چیئرپرسن جموں وکشمیر بورڈ آف سکول کایجوکیشن پروفیسر ( ڈاکٹر ) پریکشت سنگھ منہاس نے سالانہ ریگولر 2023ء اِمتحان کے پورے اِمتحانی عمل پر اَپنے اطمینا ن کا اِظہار کرتے ہوئے تمام شراکت داروں کو مبارک باد دی اور لیفٹیننٹ گورنر منوج سِنہا ، لیفٹیننٹ گورنر کے مشیر راجیو رائے بھٹناگر ،پرنسپل سیکرٹری تعلیم آلوک کمار ، صوبائی او رضلعی سطح کی اِنتظامی مشینری ، اِنڈیا پوسٹس ، جے کے بی او ایس اِی کے اَفسران اور ملازمین کی پوری ٹیم ، اساتذہ کا شکر یہ اَدا کیا جنہوں نے اِمتحان کے خوش اسلوبی سے اِنعقاد کے لئے انتھک تعاون کیا ہے۔اِس کے بعد تشخیص میں تعاون اور دیگر تمام اَفراد جنہوں نے حکومت کے اِس ویژن کی کامیابی میں بالواسطہ یا بالواسطہ تعاون کیا ہے جس میں دونوں یوٹیز کے تمام طلباء کو ایک ہی تعلیمی سیشن میں اِکٹھاکیا گیا اور ان کا نتیجہ کامیابی کے ساتھ اعلان کیا گیا۔
