امت نیوز ڈیسک //
کٹھوعہ ضلع کے بنی علاقے میں شدید بارش کے بعد دو مکانات گرنے سے ایک شخص کی موت ہو گئی اور مزید ہلاکتوں کا خدشہ ہے۔
حکام نے بتایا کہ بنی کے سرجن موڑہ ارود بلاک میں مشتاق احمد اور عبدالقیوم کے دو مکان شدید بارش کی وجہ سے گر گئے۔ انہوں نے بتایا کہ بچوں سمیت پانچ افراد ان مکانوں کے نیچے دب گئے اور ایک شخص محمد عارف ولد عبدالقیوم کی لاش پولیس اور مقامی رضاکاروں سمیت ریسکیورز نے اب تک نکالی ہے۔
ایس ایس پی کٹھوعہ شیودیپ سنگھ جموال نے ملبے سے ایک لاش برآمد ہونے کی تصدیق کی اور بتایا کہ بڑے پیمانے پر بچاو¿ آپریشن جاری ہے۔
دریں اثنا، ایک خاتون جس کی شناخت نسیمہ بیگم زوجہ محمد رفیق کی مانڈھوٹہ تحصیل بنی کے طور پر ہوئی ہے، لینڈ سلائیڈنگ کے باعث ہلاک ہو گئی۔
انہوں نے بتایا کہ ساتویں جماعت کے طالب علم اجے سنگھ ولد مرحوم موہنیر سنگھ کی سیٹی تحصیل کی لاش اس کی رہائش گاہ کے قریب بنی میں ایک اور مٹی کے تودے کے ملبے سے برآمد ہوئی ہے۔
اس کے علاوہ، ایک شخص شام لال ولد تارا چند جو بنی کی تحصیل بھولاری میں لینڈ سلائیڈنگ کی وجہ سے دب گیا اور سرچ آپریشن جاری ہے۔
ایس ڈی ایم بنی ستیش کمار نے دو لاشیں نکالی گئی ہیں، ایک مکان کے ملبے سے اور دوسری خاتون کی مٹی کے تودے کے نیچے سے۔ انہوں نے کہا کہ دیگر علاقوں سے سیلاب کی اطلاعات ہیں اور سرکاری ٹیمیں تعینات کر دی گئی ہیں۔
