امت نیوز ڈیسک //
سرحدی ضلع کپوارہ کے متعدد علاقوں میں اتوار کی صبح سے ہی موسلا دھار بارشوں کا سلسلہ شروع ہوا جس کی وجہ سے کئی ندی نالوں میں طغیانی آنے سے بھاری تباہی ہوئی ہے۔ اسی دوران ضلع کے ہایہامہ علاقے کے تر مباڈ، بٹہ پورہ اور ہلمت پورہ میں سیلابی ریلے نے بھاری تباہی مچادی۔ مقامی ذرائع نے بتایا کہ علاقہ میں ایک مقامی مسجد شریف اور سکولی عمارت کو سیلابی ریلے سے جزوی نقصان پہنچ چکا ہے جبکہ سیلاب میں 4 سو مو گاڑیاں بری طرح پھنس گئیں تاہم علاقے کے مقامی لوگوں نے گاڑیوں کو سیلاب سے نکالنے کے لئے بڑے پیمانے پر بچاو کار وائی شروع کی ہے۔ اُنہوں نے بتایا کہ اسی دوران کلاروس علاقے میں ایک معمر خاتون لقمہ اجل بن گئی ہے۔
