امت نیوز ڈیسک //
سری نگر میں گزشتہ رات ہوئی بارشوں نے سمارٹ سٹی پروجیکٹ کی تب قلعی کھول دی جب نالیوں میں جمع پارش کا پانی پولو ویو مارکیٹ کی ادھے درجن کے قریب دکانوں میں گھس گیا۔ آج صبح دکاندار جب اپنی دکانوں پر آیے تو وہ اپنی دکانوں میں پانی دیکھ کر حیران ہوگئے اس دوران دکانداروں کو شدید نقصان سے دوچار ہونا پڑا۔ دکانداروں کے مطابق ان کےساتھ یہ پہلی بار ہوا ہے جب نالیوں کا پانی دکانوں میں داخل ہوا ہو۔
پولو یو مارکیٹ کے صدر حاجی محمد اسماعیل نے کہا کہ بارش اور نالیوں کا پانی مارکیٹ کی چند دکانوں میں داخل ہو گیا ہے تاہم انہوں نے کہا کہ یہ معلوم نہیں ہو سکا کہ دکانوں میں پانی کیسے آیا۔
دوسری طرف سے سرینگر سمارٹ سٹی کے سی ای او اطہر عامر نے کہا کہ نکاسی آب میں کوئی خرابی نہیں ہے کیونکہ مارکیٹ کی تمام نالیاں تقریباً خشک ہیں۔ انہوں نے کہا، "ہم اس معاملے کو دیکھ رہے ہیں اور ایسالگتا ہے کہ پانی پچھلی طرف سے داخل ہوا ہے۔ میں یہاں اپنی ٹیم کے ساتھ حقائق کا پتہ لگانے کے لیے آیا ہوں۔
آپ کو بتادیں سمارٹ سٹی پروجیکٹ کے تحت پولو ویو مارکیٹ کی حال ہی میں کروڑوں روپے خرچ کر کے تجدید و مرمت کی گئی تھی جبکہ جی 20 ٹورازم در کنگ گروپ کے مند و بین نے بھی مارکیٹ کا دورہ کیا تھا۔
