امت نیوز ڈیسک //
سرینگر//بھارتی محکمہ موسمیات نے مانسون کی لہر کے اثرات جموں کشمیر ، پنجاب ، ہماچل پردیش اور اُترا کھنڈ میں پڑنے کی پیش گوئی کرتے ہوئے کہا ہے کہ اس وجہ سے ان خطوں میں اگلے چند دنوں میں شدید بارش ہوسکتی ہے . انڈین میٹرولیجیکل ڈیپارٹمنٹ نے نئی پیش گوئی کرتے ہوئے ہے کہ مانسون کے اثرات اگلے چند دنوں تک شمالی ہند میں پھیل سکتے ہیںجس کی وجہ سے جموں کشمیر ، ہماچل پردیش اور پنجاب کے علاوہ اُترا کھنڈ میں شدید بارشیں ہوسکتی ہیں ۔ ادھر ہماچل پردیش میں مانسون کا سلسلہ جاری ہے اور ر ±ک ر ±ک کر بارش ہورہی ہے۔ قدرتی آفات سے نمٹنے والی ریاستی اتھارٹی کے مطابق پچھلے 24 گھنٹے کے دوران ریاست کے مختلف ضلعوں میں 109 مکانات پوری طرح تباہ ہوگئے ہیں۔ دریاو ں اور چشموں کے پانی کی سطح میں اضافہ ہوا ہے اور مختلف جگہوں پر مٹی کے تودے گرنے کے سبب، دو قومی شاہراہوں سمیت رابطے کی سینکڑوں سڑکیں بند ہوگئی ہیں۔ پچھلے دو ماہ میں 156 جگہوں پر مٹی کے تودے گرنے کے حادثات واقع ہوئے ہیں اور 63 جگہوں پر سیلاب آیا ہے۔ قدرتی آفات سے نمٹنے والی ریاستی اتھارٹی نے اندازہ لگایا ہے کہ ابھی تک، ریاست کے سرکاری محکموں کو 8 ہزار 450 کروڑ روپے مالیت کا نقصان پہنچ چکا ہے۔ریاست میں ابھی تک موسلا دھار بارش، بادل پھٹنے کے حادثات اور زمینی تودے گرنے کے سبب 367 جانیں ضائع ہوچکی ہیں اور 343 افراد زخمی ہوچکے ہیں.
