امت نیوز ڈیسک //
سرینگر: کانگریس چیئرپرسن سونیا گاندھی ہفتے کو سرینگر پہنچی جہاں وہ نگین جھیل میں شکارا کی سواری سے لطف اندوز ہوئیں۔اطلاعات کے مطابق کانگریس چیئرپرسن سونیا گاندھی ہفتے کے روز سرینگر پہنچی جس دوران سینیئر لیڈران نے ان کا استقبال کیا۔
ذرائع نے بتایا کہ سرینگر پہنچتے ہی سونیا گاندھی نگین جھیل میں شکارا کی سواری سے لطف اندوز ہوئیں۔معلوم ہوا ہے کہ سونیا گاندھی جموں وکشمیر کانگریس کے سینیئر لیڈران کے ساتھ ملاقی ہونگی جس دوران آنے والے انتخابات کے حوالے سے گفت وشنید ہوگی۔ذرائع نے مزید بتایا کہ جموں وکشمیر میں کانگریس کو مزید مضبوط کرنے کی خاطر غیرمعمولی اہمیت کے فیصلے لینے کا امکان ہے۔ذرائع کا کہنا ہے کہ سونیا گاندھی اور راہل گاندھی سرینگر میں مختلف عوامی وفود کے ساتھ بھی ملاقی ہونگے۔
واضح رہے کہ گزشتہ روز کانگریس کے سینیئر رہنما راہل گاندھیلداخ دورے سے واپسی کے بعد جمعے کی سہ پہر سونہ مرگ پہنچے، جہاں پر پہلے سے موجود کانگریس لیڈروں اور کارکنان نے ان کا پرتپاک استقبال کیا۔گزشتہ روز راہل گاندھی نے کرگل میں ایک عوامی اجتماع سے خطاب کرتے ہوئے کہا کہ "لداخ ایک اسٹریٹجک جگہ ہے، ایک بات تو واضح ہے کہ چین نے ہندوستان کی زمین چھین لی ہے۔ یہ افسوسناک ہے کہ اپوزیشن کی میٹنگ میں پی ایم مودی نے کہا کہ لداخ کا ایک انچ بھی چین نے نہیں لیا۔” جو کہ جھوٹ ہے۔” راہل گاندھی نے کہا کہ پی ایم مودی نے ہندوستان کی زمین پر چین کے قبضہ کے بارے میں جھوٹ بولا ہے۔
